Hvað er Furry?
Við köllum það stundum loðbolta á íslensku, en það er einfaldlega áhugamál á persónum sem eru dýr með mannlega eiginleika. Að vilja vera slík persóna er hvernig það byrjar oft, að búa sér til persónu.
Hvar finnur fólk slíkar persónur?
Teiknimyndir
Mikki Mús, My little Pony, BNA, Gargoyles, Beastars, Cartoon Network, Blæja, flest allt barnaefni…
Bíómyndir
Disney, Dreamworks, Warner Bros, Pixar, Ghibli Studios…
Tölvuleikir
Animal Crossing, Sonic the Hedgehog, Ratchet & Clank, Crash Bandicoot, Pokémon…
Myndasögur
Andrés Önd, Hellboy, Lackadaisy, Skin Deep,
Fólki finnst svo auðvelt að gera grín af því sem það skilur ekki, jafnvel niðurlægja og leggja í einelti.
Þetta er ekkert nýtt á nálinni, en með tilkomu heimsvefsins þá hefur það blómstrað og finnst víða. Flestir væru sammála að undirstaðan að þessu áhugamáli eru persónugerfingar dýra og hlutverkaleikir sem dýrslegar persónur. Persónugerfingar (anthropomorphic characters) eru svo algengir að líklegt er að einhverjir af þínum uppáhalds teiknimyndum/bíómyndum/leikjum innihalda einhverja svona persónugerfinga. Svo þetta er ekkert nýtt fyrirbæri.
Hér eru örfá dæmi sem innihalda slíka persónugerfinga:
- My Little Pony, margt frá Dreamworks (Kung fu Panda, Madagaskar) og Warner Bros (Loony Toons, Happyfeet), flest á Cartoon Network, og nánast allt frá Disney …
- Who framed Roger Rabbit, The island of dr. Moreau, Alice in Wonderland, Star Wars, An American Tail
- Sonic the Hedgehog, Ratchet & Clank, Jak & Daxter, Crash Bandicoot, Animal Crossing, Okami, Pokemon…
Flestir búa sér til persónur byggðar á sínum uppáhalds fyrirmyndum og þessar persónur eða hliðarsjálf hafa oft annan persónuleika á einhvern hátt eða algjörlega, jafnvel af gagnstæðu kyni. Fólk fer oft í einhvern hlutverkaleik (roleplay) til að leika persónurnar, sérstaklega þegar það hefur búninga við höndina. Fyrir suma er þetta jafnvel einskonar sálræn meðferð til að finna félagskap og bæta sjálfstraust vegna þess að það er ekki óalgengt að þeir sem finna sig í furry-samfélaginu séu utangarðs í daglegu lífi.
Af hverju vill fólk vera loðboltar?
Það er mjög frelsandi að geta sloppið frá sínu daglega lífi og verið eitthvað annað. Það er merkilegt hvað það gerir gott fyrir sjálfstraust og samskipti við aðra, að geta sett sig í ham persónu sem þú hefur skapað til að vera allt sem þig dreymir um að vera.
Er þetta virkilega svo saklaust áhugamál?
Algjörlega. Kjarni furry-samfélagsins snýst um listræna hæfileika og listaunnendur. Fólki finnst einstaklega gaman að sjá persónurnar sínar koma til lífs í myndum og safna oft þannig myndum. Ein stærstu listaverkin eru svo heilu búningarnir sem fólk hefur af persónunum sínum.
Furry búningar eru að sjálfsögðu mjög áberandi og verða oft sjálfkrafa anditi furry-samfélagsins, ekki ólíkt lukkudýrum (‘mascots’) sem eru persónuleg. Að klæðast slíkum búningum er í raun einskonar leiklist þar sem persónan verður ljóslifandi og það gefur mörgum mikið sjálfstraust. En búningar eru auðvitað ekkert skilyrði til þess að með. Ekki allir eiga slíka búninga vegna kostnaðar og vinnu sem fer í sköpun þeirra.
Svo er furry-samfélagið einstaklega opið fyrir LGBTQ, hinsegin og skynsegin fólk, þú finnur varla opnari eða vinalegri hóp af fólki.